|
|
|
|
Jon
Klæbo
(1839-1874)  (John Klæbo Pedersen) Fødd: 15. september 1839 på garden Glein i Dønna på Hålogaland Døydde: 29. august 1874 på Utne i Ullensvang, Hardanger Gravlagd: 3. september 1874 i Ullensvang, Hardanger Jon Klæbo var son til Peder Johan Klæbo Olsen og kona Marit Katarine Andersdatter på garden Glein i Nesna i Nordland. Han vaks opp i nærleiken av søskenbarnet sitt, seinare biskop og statsråd Anton Christian Bang. Etter han var konfirmert, var han på Lofotfiske eit par år. Så tok han lærarutdanning ved seminaret i Tromsø i frå 1859 til 1861 med beste karakter. Han opplevde og ei religiøs vekking under tida i Tromsø. I 1863 kom han til Kristiania for å studera og tok studenteksamen i 1864. Han tok til å studera teologi. I denne tida vart han kjend med A. O. Vinje, Elias Blix og Chr. Bruun og han vart vekt til arbeid for målsak og folkeopplysning. Han tok seg lærarpost ved guteskulen (latinerskulen) Aars og Voss skole i Kristiania og dreiv samstundes med litterært arbeid, og skreiv artiklar i mange blad. På slutten av 1860-talet fekk han tuberkulose og måtte gje opp læraryrket sitt. Han reiste til Utne i Hardanger, der han heldt fram med skrivinga, og var der til han døydde knapt 35 år gammal. Det meste av det han skreiv vart samla og utgjeve etter hans død. Det er reist ei byste av Jon Klæbo på heimegarden på Glein i Dønna. Utgjevingar: 1. Digte og Fortællinger samt A. O. Vinjes Livshistorie (1888) 2. Songar og Sogor (1898) 3. Dikt (1934) Salmar: 1. Kvite Krist frå himmel-land Kjelder: 1. Ivar Aasen-tunet, Nettbiblioteket 2. Aanestad II (1965) sp 65 3. Scanna kyrkjebok for Dønna, Nordland (Digitalarkivet) 4. Wikipedia |
|