Efterskole Villads Villadsen-imi ilinniagassat nammineq qinikkat (liniefagit) assut pingaartippagut. Taakkua ilikkarusulluinnakkavit itisilernissaannut pikkorissunngornissannullu periarfississavaatsit, pikkorissutsit naleqquttut, nutaaliorsinnaanerit teoriillu ataqatigiisinnerisigut. Ilinniagassattut nammineq qinikkat ingerlalluarukku angusaqarluassaatit. Soorlu nammineq atisaliorsinnaavutit, nittartagaliorsinnaavutit, aviisiliorsinnaavutit, qimussiussisartutut ilinniarsinnaavutit, innartortartunngorsinnaavutit, imaluunniit takornarissanut angallassisunngorsinnaavutit takornarissanik angalaqateqartarlutit.
Ilinniartut tamarmik kalaallisut, qallunaatut, tuluttut kiisalu matematikkimik ilinniartinneqartassapput. Karakteeriminnik pitsanngorsaarusuttunut meeqqat atuarfianni pissuseq malillugu naggataarutaasumik misilitsittoqartarpoq.
Ataatsimoorussamik fagini ingerlanneqartarputtaaq oqaluttualerineq nutaarsiassalerinerluuniit, ataatsimullu inuiqatigiilerinermik atuartitsisoqartarluni. Aammataat tamanut aalane timersornerlu silami illulluunniit iluani ingerlanneqartarpoq.
Ataatsimoorluta ataatsimeeqatigiittarpugut atuarfimmiitugut tamatta Efterskole Villads Villadsen-imi inuunutta avatagiisittalu nuannersuunissaa anguniarlugu.
