Luttøka á aðalfundi er treytað av, at limurin í seinasta lagi 5 dagar frammanundan aðalfundinum hevur boðað frá, at hann luttekur, og hetta skal verða gjørt skrivliga til høvuðsskrivstovuna.
Seinasta freist at fráboðað luttøku á hesum aðalfundi er sostatt nú sunnudagin 22. apríl.
Tú kann fráboðað luttøku á hesi leinkju:http://www.bricksite.com/andrass/aalfundurin
Somuleiðis kann tú nú eisini fráboðað luttøku á hesi leinkju:https://www.trygging.fo/Taenastur/Tidindi/Adalfundur_2012_medling/
Allir tryggingartakarar í Tryggingarfelagnum Føroyum eru limir í Ognarfelag Tryggingartakaranna og hava rætt at møta á aðalfundinum. Limirnir kunna taka orðið á aðalfundinum, men hava ikki atkvøðurætt.
Tað eru bert tey nú 35 umboðini í Umboðsráðnum, ið hava rætt at atkvøða á aðalfundinum.
Skráin fyri aðalfundin, smb. § 17 í viðtøkunum, er henda :
1. Frásøgn nevndarinnar um virki felagsins í farna roknskaparári.
2. Framløga av grannskoðaðum ársroknskapi til góðkenningar og hvussu møguligt avlop ella
tap, sambært roknskapinum, verður nýtt, sí § 29, stk. 3.
3.Val av nevndarlimum (einki val )
4.Val av grannskoðarum.
5.Møgulig uppskot, ið nevndin, stjórnin ella umboðsfólk ynskja at viðgera.
Fylgjandi uppskot eru fráboðað:
I)Um nevndarsamsýningar
II)Viðtøkubroytingar:
a)nær limarættur fellur burtur.
b)hvat skal henda um felagið verður avtikið.
c)at senda atkvøðuseðlar út tul umboðsráðsval.
d)avtaka fráboðan til aðalfundarluttøku.
e)hvør avloysir, tá limur í umboðsráðnum fer frá.
6.Ymiskt
At einki val av nevndarlimum er í ár kemst av, at valdir nevndarlimir sita í 4 ár og val bert er annaðhvørt ár, tað vil so siga tey ólíka árini tá einki val er til umboðsráðið.
Í seinasta lagi 8 dagar frammanundan hvørjum aðalfundi skal dagsskrá og tey fullfíggjaðu uppskotini, og somuleiðis fyri vanliga aðalfundin, ársroknskapur við grannskoðaraátekningum, verða løgd fyri limirnar á høvuðsskrivstovu felagsins.
Limir kunna sostatt venda sær til høvuðsskrivstovu felagsins í Tórshavn at kunna seg við hesi viðurskifti.
Sum nevnt, kann tú her og nú fráboðað luttøku á aðalfundinum við leinkjuni her:http://www.bricksite.com/andrass/aalfundurin
ella her:https://www.trygging.fo/Taenastur/Tidindi/Adalfundur_2012_medling/ 