* ONLINE Í 2010 * & * AUTOMATISKT Í 2014 *
Fyrsta online møguleika at umbiðja atkvøðuseðilin í 2010 var her.
Til Umboðsráðsvalið í februar 2010, fingu tryggingartakararnir fyri fyrstu ferð høvið at biðja um atkvøðuseðilin online, umvegis hesa heimasíðu mína.
Tvey ár seinni bjóðaði Tryggingarfelagnum Føroyar, eisini henda møguleika á heimasíðuni.
Til Umboðsráðsvalið í februar 2012, fingu tryggingartakararnir so enn ein møguleika at umbiðja atkvøðuseðilin online.
Til valið í 2014 fingu so allir tryggingartakarar atkvøðuseðilin sendani automatisk, uttan at skulla biðja um at fáa hann - stik den !.
Í september 2020 var fyri fyrstu fer møguleiki at atkvøða á netinum – t. d. við fartelefonini.
Um ikki annað, er Ognarfelag Tryggingartakaranna við hesum komið nærri ánarunum, tó enn restar nógv í.
***********************************************************************************************
Lat hurðar upp .... !
Dagur 16. februar 2010
Tryggingartakarin eigur Ognarfelagið og má hava møguleika at fylgja við, hvat hendur í felagnum, uttan at skula útbúgva seg til loyniløgreglufólk.
At vísa virðing fyri ognarunum, er at geva honum tann rættin hann eigur, baði í mun til tryggingar hansara og so sanniliga eisini í mun til innlit í sítt egna felag.
Ognararnar eiga til eina og hvørja tíð, lætt og ómakaleyst, at hava atgongd til kunning um hvat hendir í ognarfelagnum.
Sum er, tykist mær ognarfelagið heldur afturlatið og tørvur er á at lata upp hurðar fyri ognarunum.
Tað er rímiligt at eigarin lætt og ómakaleyst fær kunning um hvør situr í ognarfelagnum, í nevndum tess og hvør stjórnar feløgunum, hvør íløgupolitikkurin er, hvar peningurin er plaseraður og við hvørjum atliti v.m..
Kundin kennir eisini tørv á, at tryggingarfelagið lyftir uppgávuna at átaka sær objektiva kunningarskyldu mótvegis kundunum í mun til hvørjir møguleikar og rættindi hann hevur, eisini í eini skaðastøðu.
Valið til umboðsráði fyri Ognarfelag Tryggingartakaranna heldur fram hesa vikuna, har eg eri valevni.
Eg vil virka fyri at hurðar verða lætnar upp so tryggingartakarin fær innlit og kann fylgja við, hvat hendir í tryggingarfelagnum.
Høvuðsmálini eg vil arbeiða við eru í stuttum hesi:
- Betri gjøgnumskygni so man kann fylgja við.
- Vísa virðing fyri fakið, kunda og starvsfólki.
- At kapping er á tryggingarmarknaðinum.
- At vit javnan dagføra dugnaskap okkara.
- At smærri íleggjarar fáa arbeiðsfrið.
- At virksemið kemur føroyska samfelagnum tilgóðar.
- At umsita ognir við dugnaskapi og virðing.
Nýt valmøguleikan !
Hevur tú ella virki títt onkra trygging hjá “Tryggingarfelagið Føroyar” pr. 01. januar í ár, kann tú atkvøða til umboðsráðið.
Atkvøðuseðilin kemur ikki av sær sjálvum, tú skal biðja um at fáa hann sendandi, fyri at tú kann atkvøða.
Atkvøðuseðilin kann umbiðjast á telefon 345600, á t-bræv
umbodsradsval@trygging.fo, fax 345604 ella við at fara inn eina av deildunum hjá Tryggingarfelagnum Føroyar.
“Sjáldan fast tað í lag, ið kemur í drag”, tí er umráðandi at fáa hetta avgreitt beinan vegin.
Eg vil við hesum biðja um tín stuðul til Umboðsráðsvalið :)
