* FYRSTA ONLINE TEKNING TIL AÐALFUNDIN 2010
Til aðalfundin í Ognarfelag Tryggingartakaranna í mars 2010, fingu tryggingartakararnir fyri fyrstu ferð høvið at fráboðað aðalfundar luttøku umvegis hesa heimasíðuna.
Til aðalfundin árið eftir fingu limir í ognarfelagnum enn fleiri møguleikar at tilmeldað til aðalfundin.
Tá bjóðaði Tryggingarfelagnum Føroyar, eisini henda møguleika á heimasíðuni hjá felagnum - stik den :)
*************************************************************
Aðalfundur í OT 2010
Dagur 17. mars 2010
Aðalfundurin í Ognarfelag Tryggingartakaranna verður komandi týsdag 23. mars kl. 17:00 á Hotell Føroyum.
Ætlar tú at luttaka, mást tú fráboðað luttøkuna nú.
Luttøka á aðalfundi er treytað av, at limurin í seinasta lagi 5 dagar frammanundan aðalfundinum hevur boðað frá, at hann luttekur, og hetta skal verða gjørt skrivliga til høvuðsskrivstovuna.
Seinasta freist at fráboðað luttøku á hesum aðalfundi er sostatt nú hósdag 18. mars.
Tú kann nú eisini fráboðað luttøku á hesi leinkju: Aðalfundarluttøka
Allir tryggingartakarar í Tryggingarfelagnum Føroyum eru limir í Ognarfelag Tryggingartakaranna og hava rætt at møta á aðalfundinum. Limirnir kunna taka orðið á aðalfundinum, men hava ikki atkvøðurætt.
Tað eru bert tey 23 umboðini í Umboðsráðnum, ið hava rætt at atkvøða á aðalfundinum.
Skráin fyri aðalfundin, smb. § 17 í viðtøkunum, er henda :
1. Frásøgn nevndarinnar um virki felagsins í farna roknskaparári.
2. Framløga av grannskoðaðum ársroknskapi til góðkenningar og hvussu møguligt avlop ella
tap, sambært roknskapinum, verður nýtt, sí § 29, stk. 3.
3. Val av nevndarlimum (einki val )
4. Val av grannskoðarum, ið sita til næsti vanligi ársaðalfundur er lokin.
5. Møgulig uppskot, ið nevndin, stjórnin ella umboðsfólk ynskja at viðgera.
6. Ymiskt
At einki val av nevndarlimum er í ár kemst av, at valdir nevndarlimir sita í 4 ár og val bert er annaðhvørt ár, tað vil so siga tey ólíka árini tá einki val er til umboðsráðið.
Í seinasta lagi 8 dagar frammanundan hvørjum aðalfundi skal dagsskrá og tey fullfíggjaðu uppskotini, og somuleiðis fyri vanliga aðalfundin, ársroknskapur við grannskoðaraátekningum, verða løgd fyri limirnar á høvuðsskrivstovu felagsins.
Limir kunna nú sostatt venda sær til høvuðsskrivstovu felagsins í Tórshavn at kunna seg við hesi viðurskifti.