![Heðin Brú](/uf/40000_49999/46018/L/47377801cd248dc455f24cbb013f6706.gif)
Hans Jacob Jacobsen(1901 - 1987) varð føddur í bygdini Skálavík og fekk sær rithøvundanavnið Heðin Brú, tá ið fyrsta skaldsøga hansara kom út í 1930. Hann las á landbúnaðarháskúlanum í Keypmannahavn og gjørdist heimafturkomin landbúnaðarráðgevi. Starvið hevði við sær nógvar ferðingar um alt landið, og samrøðurnar við bygdafólkið, hann hitti, fekk stóran týdning fyri hansara ritverk. Í bókum hansara er eitt høvuðsevni stríðið millum gamalt og nýtt og broytingarnar frá føroyska bóndasamfelagnum til fiskivinnusamfelagið. Hann er tann stóri frásøgumaðurin í føroyskum bókmentum, og hansara skemtiliga bók Feðgar á ferð er mest lisna føroyska skaldsøgan, vald til aldarinnar bók í Føroyum.