Jesus, Jesus, ver du hjå meg

Tekst:  Ludvig Uri, i boka ”Evig fortapt”, juni 1907. Salmen er sagt å vera skriven på dødsleiet til Ludvig Uri i desember 1907, men er altså skriven tidlegare. Grunnen til denne oppfatninga kan vera innhaldet i salmen kombinert med at han kanskje skreiv ei avskrift av salmen på dødsleiet i desember 1907.

Melodi: Hardenack Otto Conrad Zinck, 1801.

 
Jesus, Jesus, ver du hjå meg,
statt ved leiet, gå 'kje frå meg
no mi avferd stundar til!
La 'kje Satan meg få gjera
noko vondt, du meg må bera!
Det er heim til deg eg vil.

Jesus, gløym i nåde ordi
som eg i mitt liv på jordi
titt har tala deg imot!
Gløym alt vondt eg gjorde, tenkte,
det som titt din kjærleik krenkte,
læk mi sjuke hjarterot!

Alt som vil mitt hjarta tyngja,
tak det bort, så eg kan syngja
fri og frelst min siste song!
Jesus, Jesus, gå 'kje frå meg,
statt ved leiet, ver du hjå meg
no eg sovnar siste gong!

Tilbake til hovudsida