|
|
|
|
| Olav
Eliasson Fylsvik
(1833-1908) Fødd: 10. februar 1833 i på garden Følsvik i Volda, Møre og Romsdal Døydde: 4. oktober 1908 i på garden Fylsvik i Volda, Møre og Romsdal Gravlagd: 8. oktober 1908 i Volda Olav E. Fylsvik var son til Elias Olsen og Lauronie Jacobsdatter Kromshavn i Volda på Sunnmøre. Ved dåpen fekk han namnet Ole Andreas Eliassen Følsvig. Etter eit kortare kurs hjå presten Ørskog, vart han omgangsskulelærar, og han arbeidde som bonde og skulehaldar i Volda på Sunnmøre. I heimen hans rådde det kristne livssynet, og den lyriske åra arva han frå far sin. I 1870- og 80-åra tok han til å skrive på landsmål. Han hadde vidtfemnande interesser og fekk ymse kommunale ombod. På slutten av 1880-åra vart han gripen av den religiøse vekkinga som gjekk over Sunnmøre. Ragnar Ørstavik meiner at det beste frå hans hand kom etter dei to utgjevingane han gav ut. Mange av salmane hans vart prenta i Johannes Barstads blad "Stille Stunder". Han utmerkar seg som ein kjenslevar diktar som maktar å sameina naturbileta med det sant kristelege. Han har og vore omtala som "nærmast ein husdiktar for voldingane”. Utgjevingar: 1. Possian. Hyrderne på Betlehems Mark (1857) 2. Vaarblomster. Fædrelandsdigte og sange av O.E. Følsvik (1888) Salmar: 1. Det ljosna i dalen 2. I hjartedjupet ligg ein streng Kjelder: 1. Ivar Aasen-tunet, Nettbiblioteket 2. Kristen Sang og musikk (Aanestad m.fl., 1962) 3. Skanna kyrkjebøker |
|