Efterskole Villads Villadsen-imi fagit atuagarsorfiusut pingaartitaraagut, taakkumi illit siunissami ingerlaqqinnissarnut ammaassisussammata. Atuartut tamarmik fagini kalaallisut qallunaatut tuluttut kiisalu matematik-imi atuartinneqartarput.
Atuartitsineq piffissap ilaani eqimattakkaarluni ilaannilu naliginnaasumik ingerlanneqartarpoq.
Ukiullu ilaani fagit akimorlugit aaliangersimasunik qulequtsiilluni sammisaqartoqartarpoq. Sammineqartullu inaarutaasumik projekt-iliormik naggaserneqartarput, sammisaq itisilerlugu namminerlu soqutigisat aallavigalugit. Sammineqartartut ilagaat "Inuiaqatigiilerineq" kiisalu "Timi kinaassuserlu".
Ukioq atuarfiusoq naammassineqartarpoq misilittinnermik Namminersornerulutik Oqartussat nalunaarutaat nr. 3, 9. januar 2009-meersoq malillugu