Ræktun

Íris er undan Galdri frá Sauðárkrók (8,27) og Ýr frá Vestri-Leirárgörðum (7,73).

 

Íris hlaut 8,08 í aðaleinkun 8,09 fyrir sköpulag og 8,06 fyrir hæfileika. Meðal annars 8,5 fyrir samræmi, hófa, stokk, vilja, fegurð í reið og hægt tölt.

 

 

Afkvæmi Írisar eru:

 

Ímynd frá Steinsholti, svört fædd 2003, undan Huga frá Hafsteinsstöðum. Fyrsta verðlauna meri sem er í Steinsholts-ræktuninni og er kynnt neðar á siðunni. A.e. 8.28

Hugmynd frá Steinsholti, jörp fædd 2004, undan Hróðri frá Refsstöðum. Hún slasaðist sem trippi og fór að hlífa sér við álag, en þó náðist að sýna hana. A.e. 7,77. Hún seldist sem ræktunnarhryssa með gullfallegt folald undan Asa frá Lundum.

Ímynd er undan Huga frá Hafsteinsstöðum (8,31) og Írisi frá Vestri-Leirárgörðum (8,08). Ímynd er glæsileg klárhryssa með 8,28 í aðaleinkun 8,34 fyrir byggingu og 8,24 fyrir hæfileika. Meðal annars 9 fyrir háls og herðar, tölt, vilja og fegurð í reið.

 

 

 

Afkvæmi Ímyndar eru:

 

Sveifla frá Steinsholti, brún fædd 2009, undan Auð frá Lundum II. Sveifla er hreyfingarmikil og fer um á fallegu tölti og brokki.

Ilmur frá Steinsholti, brúnstjörnótt fædd 2011. Mjög falleg hryssa undan Asa frá Lundum II.

 

 

 

Bót er undan Hágang frá Sveinatungu (8,03) og gæðingnum Buslu frá Eiríksstöðum (7,49). Bót hlaut í aðaleinkunn 7,80 þar af 7,98 fyrir sköpulag og 7,67 fyrir hæfileika. Hún er klárhryssa og hlaut 8 fyrir tölt, brokk, stökk og geðslag, 8,5 fyrir fegurð í reið  og 9,5 fyrir fet.

 

 

Afkvæmi Bótar eru :

 

Þór frá Steinsholti, móbrúnn fæddur 2006 undan Blæ frá Torfunesi. Búið er að temja hann nokkuð og er góður reiðhestur.

Njörður frá Steinsholti, móbrúnn fæddur 2007 undan Auði frá Lundum II. Njörður er frumtaminn og er fallegur hreyfingarmikill klárhestur.

Eir frá Steinsholti, jörp fædd 2009 undan Arði frá Lundum II. Hreyfingarmikið tryppi sem fer um á tölti og brokki.

Askur frá Steinsholti, fæddur 2010 undan Stikil frá Skrúð. Mjög fallegt og skrefamikið folald.

Baldur frá Steinsholti, rauðblesóttur fæddur 2011 undan Asa frá Lundum II. Myndarlegur og skrefmikill.

 

 

Þoka er undan Hrym frá Hofi (8,20) og Bliku frá Spágilsstöðum(7,71) sem hefur þegar skilað fjórum 1. v. hryssum.

Þoka er með 8,04 í aðaleinkun 7,90 fyrir byggingu og 8,13 fyrir hæfileika. 9 fyrir tölt og vilja. Mikið hágeng og viljug klárhryssa.

 

 

 

 

 

 

 

 

 

 

 

 

 

Afkvæmi Þoku eru:

 

Hríma frá Steinsholti, grá hryssa (fædd rauð) fædd 2010, Hún er undan Asa frá Lundum II. Hágengt folald sem fer um á fallegu tölti og brokki.

Hersir frá Steinsholti, dökkrauður fæddur 2011 undan Auð frá Lundum II. Hágengur og reistur.

 

Birna er undan Hjörvari frá Ketilsstöðum (8,31) og Brynju frá Ketilsstöðum (8,03).

Birna er með 8,07 í aðaleinkunn, 7,72 fyrir byggingu og 8,30 fyrir hæfileika, meðal annars 8,5 fyrir tölt, skeið og vilja.

 

 

Afkvæmi Birnu eru:

 

Bylgja frá Steinsholti, brún fædd 2002 undan Geisla frá Sælukoti. Bylgja hlaut í aðaleinkunn 8,00. Fyrir hæfileika 8,12 og 7,81 fyrir sköpulag.

Kóngur frá Steinsholti, móbrúnn fæddur 2003 undan Forseta frá Vorsabæ. Hann er nú í Danmörku.

Þóra frá Steinsholti, rauð fædd 2004 undan Þóroddi frá Þóroddsstöðum. Þóra hlaut 7,86 í kynbótadóm þar af 7,99 fyrir byggingu og 7,77 fyrir hæfileika. Geðgóð og hreingeng alhliða hryssa. Þóra er nú í Danmörku.

Djákni frá Steinsholti, fæddur 2006. Undan Dalvari frá Auðsholtshjáleigu. 

Hrymur frá Steinsholti, fæddur 2008 undan Hæring frá Litla-Kambi. Fallegur og hreyfingarmikill foli.

Blesi frá Steinsholti, fæddur 2010 undan Stikil frá Skrúð. Skrefmikið og fallegt folald til SÖLU.

Máni frá Steinsholti, rauðstjörnóttur fæddur 2011 undan Abel frá Eskiholti.